படித்ததில் பிடித்தவை (“கடைசி புத்தகம்” – மகுடேசுவரன் கவிதை)

 

*கடைசி புத்தகம்*

 

“புத்தகக் கண்காட்சியில்

ஏழைத் தாயொருத்தி

தன் செல்ல மகனுக்கு

வேண்டிய நூல்களை

வாங்கித் தந்தப்படி வந்தாள்.

மகனின் கைகளில்

அறுவுக்கடல்கள்

அமைதியாய்ச் சேர்ந்திருந்தன.

கடைசிக் கடையில் வாங்கிய

புத்தகமொன்றுக்குப் பணம் தந்து

மீதம் பெற்றவள்

‘போதும் கண்ணு...

இனிமே பஸ்சுக்கு

அளவாத்தான் இருக்கு...’ என்றாள்.

மகன்

ஆவலாய் எடுத்த புத்தகத்தைத்

திருப்பி வைத்தான்.

பேருந்துக் காசோடு வெளியேறிய

அப்பெண்ணின் மகன்தான்

இன்னும் நாம் காணாத விண்மீனைக்

கண்டுபிடிப்பான் –

அதில் நம் கால்தடம் பதிக்க

கலம் செய்வான் என்று

உறுதியாய்க் கூறுகிறேன்..!”

 

*மகுடேசுவரன்*