படித்ததில் பிடித்தவை (“கருணை” – மு.மகுடீசுவரன் கவிதை)

 

*கருணை*

 

“பேருந்து வாசலில்

புரையோடிய கண்ணும்

கையில் குழந்தையுமாக

அழுக்குப் பெண்ணுருவம்

கை நீட்ட

சட்டைப்பை துழாவி

இரண்டு ருபாய் நாணயமிட்டேன்.

தடி ஊன்றி

தள்ளாடிய பெரியவர் ஒருவரின்

கை நீட்டலுக்கு

ஒரு ருபாய் இட்டேன்.

காத்திருப்பின் நீட்சியில்

‘அண்ணா...’ என

ஒரு சிறுமி கையேந்தியபோது

என் சட்டைப்பையில்

கருணை தீர்ந்து

ரூபாய்த்தாள்களே

மிஞ்சியிருந்தன..!”

 

*மு.மகுடீசுவரன்*