படித்ததில் பிடித்தவை (“மறதியாக/ஞாபகத்துடன்” – கல்யாண்ஜி கவிதை)

 

*மறதியாக/ஞாபகத்துடன்*  

 

“எப்போதும் விளையாடுவதற்கு

இரண்டு பேராக வரும் சிறுமி

விபத்தில் அக்கா இறந்து விட்ட

துக்கத்தின் இடைவெளிக்குப் பின்

முதன் முறையாக வருகிறாள்

இறகுப் பந்து மைதானத்திற்கு

தான் மட்டும்.

சைக்கிள் கேரியர் கவ்வலுக்குள்

செருகிவைக்கப்பட்டிருக்கின்றன

இரண்டு மட்டைகள்

மறதியாக/ஞாபகத்துடன்..!”

 

*கல்யாண்ஜி*