படித்ததில் பிடித்தவை (“நமது மழை” – ராஜா சந்திரசேகர் கவிதை)

 

*நமது மழை*

 

“எல்லோரையும் முடக்கிப்

போட்டிருந்தது மழை.

நான் திட்டிக்கொண்டிருந்தேன்.

எப்போதும் மழையைக்

குழந்தை போல ரசிக்கும்

பக்கத்து வீட்டு அக்காவுக்கு

பிரசவ வலி வர

அவசரமாய் ஆட்டோவில்

ஏற்றிக் கொண்டு போனார்கள்.

தலை பிரசவம் என்பதால்

பதற்றம் கூடி இருந்தது.

மழை நிற்காத காலையில்

செய்தி வந்தது

சுக பிரசவம்

ஆண் குழந்தை என்று.

அப்போது பார்த்த மழையை

உள்ளபடியே

ரசிக்கத் தோன்றியது..!”

 

*ராஜா சந்திரசேகர்*