படித்ததில் பிடித்தவை (“சிறுமியின் மரம்” – ராஜா சந்திரசேகர் கவிதை)

 

*சிறுமியின் மரம்*

 

“தாத்தாவுடன்

வாக்கிங் போய்விட்டு

வந்த பேத்தி

அவர் கால் கழுவி வருவதற்குள்

வரைந்ததைக் காட்டினாள்.

 

பேத்தியின் பிஞ்சு கிறுக்கலில்

நிமிர்ந்து நின்றது

ஒரு மரம்.

 

கன்னத்தைத் தட்டி

பாராட்டு சொன்ன

தாத்தாவைக் கேட்டாள் சிறுமி.

 

இது எந்த மரம் சொல்லுங்க..?

 

விழித்து நின்ற தாத்தாவுக்கு

விடை சொன்னாள்.

 

நடந்து போனப்ப

நாம பாத்தமே

நீங்க கூட சொன்னீங்களே

இது புயல்ல சாஞ்ச மரம்னு

 

அதுதான் தாத்தா இது

நான் நிக்க வச்சிருக்கேன்..!”

 

*ராஜா சந்திரசேகர்*