படித்ததில் பிடித்தவை (“திடீரென” – இசை கவிதை)

*திடீரென*

 

“அந்த ஸ்கூட்டிப் பெண்

திடீரெனக் குனிந்து

முன்னே நின்றிருக்கும்

தன் சின்ன மகனின் கன்னத்தில்

முத்தம் வைக்கிறாள்.

எதற்கு?

என்கிற வினாவை

அதற்குள் அவன் கற்றிருந்தான்.

 

எதுக்கும்மா?

எதுக்கும்மா?

என்று வழிநெடுக

நச்சரித்துக் கொண்டே வருகிறான்

சிறுவன்.

 

சிரித்துச் சிரித்து

மழுப்புகிறாள்

அந்த அன்னை..!”

 

*இசை (எ) ஆ.சத்தியமூர்த்தி*