*கடலை மிட்டாய் கசக்கிறது*

 

“சென்னை மாநகர் செல்ல

சிக்னலுக்காக காத்திருக்கும்

கூட்டமான காலை ரயில்.

 

கடலை மிட்டாய் விற்கும்

கண் தெரியாதவர்

அடுத்தப் பெட்டிக்கு

செல்ல முடியாமல்

ஒரே பெட்டியில்

சென்று திரும்புகிறார்.

 

அவர் வந்து செல்லும்

போதெல்லாம்

வழிவிட சிரமப்பட்டு

கசப்பாகவே நகர்கிறார்கள்...

நின்று பயணிப்பவர்களும்,

இருக்கையில் ஓரமாக

அமர்ந்து பயணிப்பவர்களும்.

 

ரயில் கிளம்பும் வரை

யாருமே வாங்கவில்லை.

 

யாராவது

கடலை மிட்டாயை

வாங்கியிருந்தால்

இருவரும் இனிப்பாக

பயணித்திருப்பார்கள்..!”

 

*கி.அற்புதராஜு*