படித்ததில் பிடித்தவை (“அன்னையர்” – இசை கவிதை)

 

*அன்னையர்*

 

“அப்பர் பெர்த்திலிருந்து

உருண்டு விழப்பார்க்கிறது குழந்தை.

 

ஜன்னல் வழியே

உலகத்தை வேடிக்கை பார்த்துக்கொண்டிருந்த

அவள் அன்னை

அதை உதறியெறிந்துவிட்டு

பதறியெழுந்து

கைவிரித்து நிற்கிறாள்.

 

அதே கணத்தில் அனிச்சையாய்

ஆங்காங்கே எழுந்து

கைவிரித்து நின்றனர் சில அன்னையர்.

 

நானும் ஒரு கணம்

அன்னையாகிவிட்டு

எனக்குத் திரும்பினேன்..!”

 

*இசை (எ) ஆ.சத்தியமூர்த்தி*

{‘உடைந்து எழும் நறுமணம்’ கவிதை நூலிலிருந்து.}