படித்ததில் பிடித்தவை (“பேருந்து” – ராஜா சந்திரசேகர் கவிதை)

 

*பேருந்து*

 

“மறந்து போய்

இறங்கி விட்டார்.

 

கிளம்புகிறது பேருந்து.

 

‘அங்கிள் நீங்க அவருக்கு

மீதி சில்லரைக் கொடுக்கல…’

ஞாபகப்படுத்துகிறது குழந்தை.

 

விசிலடிக்கிறார்.

 

நிற்கிறது பேருந்து.

 

இறங்கியவர் ஓடி வருகிறார்.

 

நடத்துனர்

சில்லரைக் கொடுத்து

நன்றியை வாங்கிக்கொள்கிறார்.

 

குழந்தை புன்னகை.

தாய் புன்னகை.

நடத்துனர் புன்னகை.

ஒரு புன்னகைச் சித்திரமாய் விரிய

போகிறது பேருந்து..!”

 

*ராஜா சந்திரசேகர்*