படித்ததில் பிடித்தவை (“கடைசி நிமிடக் கருணையென்பது” – கூடல் தாரிக் கவிதை)

 

*கடைசி நிமிடக் கருணையென்பது*

 

“கடைசி நிமிடக் கருணையென்பது…

கிடத்தப்பட்டுருக்கும்

ஆட்டினை

அறுக்காமல் விட்டுவிடுவது.

 

சிறகுகள் பிடிக்க

மனமில்லாமல்

வண்ணத்துப் பூச்சியின்

அருகில் அமர்ந்திருத்தல்.

 

கடைசித்துளி வரையிலும்

பருகாமல்

தேநீரை மிச்சம் வைத்தல்.

 

உதிர்ந்து கிடக்கும்

மலரொன்றினை

மிதிக்காமல் கடந்து போதல்.

 

பறவைகளின் மீது

எறிய நினைத்திருந்த

கற்களை

உள்ளங்கைக்குள் பத்திரப்படுத்துதல்.”

 

*கூடல் தாரிக்*