படித்ததில் பிடித்தவை (“கடவுள் விளையாட்டு” – மதார் கவிதை)

 

*கடவுள் விளையாட்டு*

 

“பிரார்த்திக்கும் அம்மாவின்

முந்தானையைப் பிடித்திழுக்கும் குழந்தை.

கண்ணாமூச்சி விளையாட்டின்

மூன்றாம் நபர் போல

கடவுள் உதட்டில் கைவைத்துப் புன்னகைக்கிறார்.

குழந்தை புன்னகைத்தபடியே கடவுளைப் பார்க்கிறது.

 

அம்மா கண் திறக்கவும்

கடவுள் விளையாட்டிலிருந்து

காணாமல் போகிறார்..!”

 

*மதார்*

(வெயில் பறந்தது)