படித்ததில் பிடித்தவை (“அப்பாவின் முகம்” – வீ.கதிரவன் கவிதை)

 

*அப்பாவின் முகம்*

 

“கடைசியாப் பாக்குறவங்க பாத்துக்கங்க…

அப்பாவின் முகத்தை மூடும்போது நானும் நினைத்துக் கொண்டேன்

அதுவே அப்பாவின்

முகத்தை கடைசியாகப் பார்க்கிறேன் என்று..!

 

பாதியில் இறந்தவர் மகனென

கொடுத்த வேலைக்கு

அவசரம் அவசரமாக

தலைசீவிக் கிளம்பும் போதெல்லாம்

கண்ணாடியில் தெரிவது

அப்பாவின் முகம்தான் என்று

அம்மா சொல்லித்தான்

தெரியனுமா என்ன..!”

 

*வீ.கதிரவன்*

{“நீந்தத் தெரியாத அய்யனார் குதிரை”

என்ற கவிதை நூலிலிருந்து}