படித்ததில் பிடித்தவை (“ஸ்டுபிட்ஸ்” – இசை கவிதை)

 

*ஸ்டுபிட்ஸ்*

 

“அவ்வளவு பிரதானமான சாலையில்

அத்தனை ஆழமான பள்ளம் ஆகாதுதான்.

பேராசிரியர் நிலைகுலைந்து சரியப் பார்த்தார்.

சுதாரித்துக் கடந்த பிறகு

காலுன்றி நின்று

சாலையைத் திரும்பிப் பார்த்தார்.

 

அதிகாரிகளைப் பார்த்தார்...

அரசைப் பார்த்தார்...

அமைச்சரைப் பார்த்தார்...

முதலமைச்சரை, பிரதமரைப் பார்த்தார்...

ரோடு காண்ட்ராக்டரைப் பார்த்தார்...

 

அந்தப் பள்ளத்துள்

யார் யாரையெல்லாம் பார்க்க முடியுமோ

அத்தனை பேரையும் பார்த்தார்..!”

 

*இசை (எ) ஆ.சத்யமூர்த்தி*