படித்ததில் பிடித்தவை (“குழந்தை அருவி” – ராஜா சந்திரசேகர் கவிதை)

 

*குழந்தை அருவி*

 

“தான் வரைந்ததைக் காட்டி

கேட்கிறாள் சிறுமி

 

அருவி என்கிறார் அப்பா

 

ஓவியத்தை மேல்கீழாக்கி

என்ன என்கிறாள்

 

இது தப்பு என்கிறார்

 

தலைகீழாய் யோகா

செய்யும் அருவி என்கிறாள்

சிரித்தபடி

 

தூக்கி கொஞ்சுகிறார் தந்தை

குழந்தை அருவியை..!”

 

 

(ஜெஸிக்காவுக்கு)

*ராஜா சந்திரசேகர்*

கல்கி தீபாவளி சிறப்பிதழ் (18.10.2009)