படித்ததில் பிடித்தவை (“குளவி இல்லம்” – காசாவயல் கண்ணன் கவிதை)

 

*குளவி இல்லம்*

 

சமையலறை

ஜன்னல் வழியே நுழைந்து

வீட்டுக்குள் வட்டமடித்த

குளவியொன்று

கதவுக்குப் பின்னே மறைந்து

ஓரே மூச்சில் கூடுகட்டி

குடியேறியும் விட்டது.

அகற்றும் அவசரத்தில்

அப்பாவும், பிள்ளைகளும்.

 

ஏக்கப்பெருமூச்சோடு

அவள் சொன்னாள்,

“அதுவாச்சும்

சொந்தமாய் கட்டிய வீட்டில்

இருந்துவிட்டு போகட்டுமென..!”

 

*காசாவயல் கண்ணன்*