படித்ததில் பிடித்தவை (“ஆட்டத்தின் முடிவில்...” – சௌவி கவிதை)

 

*ஆட்டத்தின் முடிவில்...*

 

“வெளிச்சம் கொட்டிய விளக்குகள்

அணைக்கப்பட்டாயிற்று.

மேசையின் மீதேறி

அமர்ந்துகொண்டன

உட்காரப் பயன்படுத்தும்

நாற்காலிகள்.

உள்ளே வந்து சென்ற

பாதங்களையெல்லாம்

தண்ணீரால் கழுவி வெளியேற்றி

தரையைச் சுத்தப்படுத்தியாயிற்று.

பாய்லரில் கரியை நிரப்பி

மீந்த பாலில் தேநீர் தயாரித்துக்

குடிக்கும்

அந்தக்கடைச் சிறுவர்களுக்கு

தேநீர் இனிப்பதுமில்லை...

கசப்பதுமில்லை..!”

 

*சௌவி*