படித்ததில் பிடித்தவை (“குழந்தையின் பந்து” – மதார் கவிதை)

 

*குழந்தையின் பந்து*

 

“இனி எனக்கு

வேண்டாமென

பந்தைக் கீழே

குத்துகிறது

குழந்தை

 

துள்ளியெழும் அதன் செய்கை கண்டு

கத்துகிறது

 

துள்ளித் துள்ளி

உயரம் குறையும் பந்தின் அன்பில்

குழந்தைக்கு

அழுகையே வந்துவிடும் போல் தெரிகிறது

 

குழந்தை பந்தைத் தூக்கி முத்துகிறது

கொழகொழக்கும் எச்சிலோடு

 

பந்து கீழே விழுந்து துள்ளி ஓடுகிறது

குழந்தை சிரித்துக்கொண்டே

பின்னால் ஓடுகிறது

சமாதானப்படுத்த..!”

 

 *மதார்*

(“கல்குதிரை” இதழ்)