எனது கவிதைகள், ஓவியங்கள், படித்ததில் பிடித்தது, பார்த்ததில் பிடித்தது, புத்தகம், திரைப்படம்

Friday, 29 November 2013

பின் தொடர்தல்...


 "சிக்னலுக்காக காக்கத் தொடங்கிய
 மின்சார ரயிலில் ஜன்னலோர
 இருக்கையில் நான்.

 ஒடிக்கொண்டிருந்த காட்சிகள் மாறி
 புல்வெளியில் நிலைத்தன கண்கள்.

 நிறைய வண்ணத்துப்பூச்சிகள்.
 அன்றைய தினம் எல்லாமே
 வெள்ளை நிறத்தில் இருந்தன.
 ஒன்றிரண்டு வேறு வண்ணங்களில்.

 ஒன்று

              மேலே...
              கீழே...
              பக்கவாட்டில்...      பறந்தும்

 மற்றொன்று

              பின் தொடர்ந்தது...

 இரண்டுக்கும்
 மோதலா?     காதலா?     காமமா?

 எப்படியோ...
 ஒன்றை மற்றொன்று
 பின் தொடர்வது இயல்புதானே!

 சலிக்காமல் ஒன்றை மற்றொன்று
 பின் தொடர்ந்தது...
 ரயில் கிளம்பும் வரை!"
                         -    K. அற்புதராஜு

2 comments: