எனது கவிதைகள், ஓவியங்கள், படித்ததில் பிடித்தது, பார்த்ததில் பிடித்தது, புத்தகம், திரைப்படம்

Friday 28 February 2014

தொட்டி செடியில் பூக்குமா... ஒற்றை ரோஜா ?

                                                         
               

               “கான்கிரிட் கட்டிடங்களுக்கு கீழே
               சமாதி ஆக்குவதற்கு முன்னே
               ஒரே ஒரு ஒற்றை
               ரோஜா பூக்கும் வரை
               தொட்டி செடிகளுக்கு
               உயிர் கொடுக்கவாவது
               எங்களை பயன் படுத்துங்களேன்
               என ஏங்குகிறது
               நகரத்து மண்..!”
                                                        -          K. அற்புதராஜு.

Thursday 27 February 2014

படித்ததில் பிடித்தவை (சுண்டல் - கவிதை)

சுண்டல்
“கொலு வைக்கும் வீடுகளில்
ஒரு குத்து சுண்டல்
அதிகம் கிடைக்கும் என்று
தங்கச்சி பாப்பாக்களை
தூக்க முடியாமல்
தூக்கி வரும்
அக்கா குழந்தைகள்..!”

                                     -  கலாப்ரியா.
                    

                                                                           

Wednesday 26 February 2014

படித்ததில் பிடித்தவை (கவிதைகள் - 2)

                                                                                       
1. “வீட்டில் பிரச்சனையில்லையென்றால்
   கோவிலில் அர்ச்சனையில்லை..!”




                                                                                

2. “சமையலுக்கு உதவாது எனில்
   சாமிக்கு இத்தனை தேங்காய்கள்
   சாத்தியமா..?” 

                                           -          M. மிருதுளா.

Tuesday 25 February 2014

படித்ததில் பிடித்தவை (கவிதைகள் - 2)

                                                                   
1. “குஞ்சுகள் மிதித்து
   முடமாகிப் போன
   கோழிகள் இங்கே..!”

-   ‘முதியோர் இல்லத்தில்’ கண்ட வாசகம்.



                                                                                                               

2. “மேலத் தெருவில் மூத்த மகன்
   கீழத் தெருவில் இளைய மகன்
   நடுத் தெருவில் பெற்றோர்கள்..!”

                                     -    ஆங்கரை பைரவி.

Monday 24 February 2014

படித்ததில் பிடித்தவை (கவிதைகள் - 2)

                                                                           
1. “முதலாளிமார்கள்
   விரல் எல்லாம் மோதிரங்கள்...
   மனசெல்லாம் தந்திரங்கள்..!”

         -    கவிஞர். விக்ரமாதித்யன்.





                                                                                

2. “எனது புறநகர் குடியிருப்பு
   வயல்களின் சமாதி என்று
   நினைவு படுத்தியவை
   தவளைகள்,,!”

                                -   சுகுமாரன்.

Sunday 23 February 2014

காத்திருத்தல்...

                                                                       
“நம்மிடம் இருக்கும்
பொருள்களே திரும்பவும்
பரிசாக வரும்போது...
அந்தப் பொருள்கள்
அடுத்து நாம்
எதிர்க்கொள்ளும்
விழாவுக்காக
அதே அட்டைப்பெட்டியில்
திருப்பி அடைக்கப்பட்டபின்
காத்துக்கொண்டிருக்கின்றன...”


-   K. அற்புதராஜு.

Saturday 22 February 2014

படித்ததில் பிடித்தவை (ட்விட்டுகள்)

                                                                           
1. “தெரியாதவர்களை
   இணைத்து விட்டு
   தெரிந்தவர்களை
   துண்டித்து விடுகிறது
   இணையம்..!”

              -  twitter.com/kalasal.
                                                                      

2. “பர்ஸில் இருக்கும்
  பணத்தை எல்லாம்
  பிடுங்கி விட்டு
  புது பர்ஸைத் தருகிறார்கள்
  கிப்ட்டாக...
  நகைக் கடைக்காரர்கள்!”
      
           -    twitter.com/RavikumarMGR

Friday 21 February 2014

படித்ததில் பிடித்தவை (கவிதைகள் - 2)


  1. “விழிகள்
   நட்சத்திரங்களை
   வருடினாலும்,
   விரல்கள்
   என்னவோ
   ஜன்னல் கம்பிகளோடுதான்..!”

                                  -   மு.மேத்தா.
                                                                                 
2. “புத்தரை
   வணங்கிய படி
   பக்தன்
   கேட்டான்...

   புத்தர்
   துறந்த
   அனைத்தையும்..!”

             -   சங்கர் கலியபெருமாள்.

Thursday 20 February 2014

படித்ததில் பிடித்தவை (கவிதைகள் - 2)

                                                                 
1. “சலுகைகள்
   காலப்போக்கில்
   உரிமைகள் ஆகி விடும்
   அபாயம் உள்ளவை..!”



                                                               

2. “இளமை...
   தவறான பலவற்றை
   நம்புகிறது;

   முதுமை...
   சரியான பலவற்றை
   சந்தேகிக்கிறது!”

Wednesday 19 February 2014

உப்பாகும் சப்பாணி...நகை-சுவைக்கு?

                                                                     

                 “நான்கு பேருக்கு மேலே
                 நண்பர்கள் சேரும் போது
                 அதில் ஒருவர்
                 சப்பாணி ஆக்கப் படுவார்.
                 அவரை கிண்டல் செய்தே
                 பேச்சுகள் தொடரும்...
                 அந்த நண்பர்களில்
                 எதற்க்கும் கோபப்படாதவரே
                 சப்பாணியாக தேர்வாவார்!”

                                                -          K. அற்புதராஜு.

Tuesday 18 February 2014

கேட்டிருக்கக்கூடாத கேள்வி?

                                                                       
“புதியவர்களுடனான
அறிமுக உரையாடலில்
கேட்கப்படும்
‘உங்களுக்கு எத்தனைக்
குழந்தைகள்?’ கேள்விக்கு
அவர்கள் சற்றே தயங்கி
‘குழந்தை இல்லை’
எனக் கூறும் பதிலால்
கேள்வி கேட்கப்பட்டவர்களை
போலவே...
கேள்வி கேட்டவர்களும்
அதிகம் பாதிக்கிறார்கள்..!"

                -    K. அற்புதராஜு.

Monday 17 February 2014

படித்ததில் பிடித்தவை (கவிதைகள் - 2)

                                                           
1. “மதுக் கோப்பையில்
   ஈ விழுந்தப்போது
   எடுத்து விட்டேன்;
   எறும்பு விழுந்தப்போது
   எடுத்து விட்டேன்;
   நான் விழுந்தப்போது
   எடுக்கவே முடியவில்லை..!”

                                          

2. “குடித்ததோ அவன்,
   தள்ளாடியதோ...
   அவன் குடும்பம்..!”

             -    பாநலவேந்தன்.

Sunday 16 February 2014

படித்ததில் பிடித்தவை (கவிதைகள் - 2)

                                                   
1. வங்கியில்
  கடன் வாங்கி
  டீக்கடை
  ஆரம்பித்தவன்
  தன் கடையில்
  எழுதி வைத்தான்...
  “கடன் நட்பைக் கெடுக்கும்.”

                         -          வி. ஜானகி.
                                                                    

2. “கல்லறைக்குப் போன
   பெற்றோருக்கு
   நாம்
   சேவை செய்ய முடியாது..!”

        -          டோக்கியோ ஸ்டோரி
    (ஜப்பானிய திரைப்படம்)