*இனிமைகள் நிறைந்த உலகம்*

“வேலைக்காக...

காலையில் கிளம்பி

இரு சக்கர வாகனத்தில்

ரயில் நிலையம் செல்லும்போது

வீசிய சிறிய காற்றுக்கு

புங்கை மரத்து பூக்கள்

என் மீது விழுந்தன...

 

ரயில் நிலையத்தில்

மேம்பாலம் வழியாக

தண்டவாளத்தை கடக்கும் போது

அம்மா தூக்கி வரும் குழந்தை

வைத்த கண் வாங்காமல்

என்னைப் பார்த்து சிரித்தது...

 

இன்றைய பொழுதை

இனிமையாக்க

இதை விட

வேறு என்ன வேண்டும்..?”

 

*கி.அற்புதராஜு*