உயிர் - அச்சமும்... துட்சமும்...

காட்சி - 1 : அச்சம்

"அவசரமாக

ரயில் பாதையை

கடக்க முயன்றவரை

எக்ஸ்பிரஸ் ரயில்

வருவதாக

எதிரே வந்தவர்

தடுத்து நிறுத்தும் போது

வேகமாக வந்த ரயில்

பெரும் ஓசையுடன்

கடந்து சென்றது.

அவசரபட்டு விட்டோமோ என

கடக்க முயன்றவர்

அதிர்ச்சியில் உறைந்தார்.

தடுத்தவருக்கு நன்றி

சொல்லியிருக்கலாமோ என

திரும்பி பார்த்தப் போது

அவர் வெகுதூரம்

சென்றிருந்தார்."

காட்சி – 2 : துட்சம்

"டெல்லி பயணத்துக்கு

சென்ட்ரலில் எக்ஸ்பிரஸ்

ரயில் பிடிப்பதற்காக,

லோக்கல் ரயில் பிடிக்க

அவசரமாக தண்டவாளத்தை

கடக்க முயலும் போது

கூட்ஸ் ரயில் வருவதை

பார்த்தவுடன்

சற்றே தயங்கி

நின்று விடுகிறார் அவர்.

கூட்ஸ் ரயில் கடந்து

செல்வதற்குள்

லோக்கல் ரயில்

சென்று விடுகிறது.

அடுத்த ரயில் பிடித்து

பரபரப்பான

மனநிலையில்

செல்லும் போது

கூட்ஸ் ரயிலுக்காக

தயங்கி நின்றது

தவறாகி விட்டதே என

வருந்தினார் அவர்.

அவசர அவசரமாக

சென்ட்ரலில் நுழைந்து

நடைமேடை அறிந்து

சென்றடைகையில்

தமிழ்நாடு எக்ஸ்ப்ரஸின்

கடைசிப் பெட்டி

கிராஸ் மார்க்கை

காட்டிச் சென்று கொண்டிருந்தது..."

- கி. அற்புதராஜு.