படித்ததில் பிடித்தவை (“காலத்தை என்ன செய்ய..?” – வண்ணநிலவன் கவிதை)

 

*காலத்தை என்ன செய்ய..?*

 

“பேனாவைக் கைக்குட்டையைத்

தொலைப்பது போல் காலத்தைத்

தொலைக்க முடியவில்லை.

காலம் காட்டும் கடிகாரம்

காலம் பற்றி அறிந்ததில்லை.

 

பறப்பன, ஊர்வன, பஸ் ஸ்டாண்டில்

படுத்திருக்கும் பரமசாதுப் பசுக்கள்,

முகம் பார்க்கும் கண்ணாடிக் குருவிகள்

எதற்கும் காலம் பற்றிய

ஓர்மையில்லை; என்னைத் தவிர.

 

விழித்தாலும் உறங்கினாலும்

வீணே என்னுடனிருக்கும்

காலத்தை என்ன செய்ய..?”

 

*வண்ணநிலவன்*