படித்ததில் பிடித்தவை (“உடைந்து எழும் நறுமணம்” – இசை கவிதை)

 

*உடைந்து எழும் நறுமணம்*

 

“கைதவறிவிட்டது.

இன்னொரு தேநீர் சொன்னேன்.

 

இரண்டு தேநீருக்கான

தொகையைச் செலுத்தினேன்.

ஒன்றுக்கானதை எடுத்துக்கொண்டான்.

 

‘இரண்டு...’ அழுத்திச் சொன்னேன்.

‘ஒன்றுதான்...’ என்று சிரித்துக்கொண்டான்.

 

நான்

மனம் உவந்தே அளித்தேன்.

 

அவன்

மனம் உவந்தே மறுத்தான்.

 

கைதவறிக் கிட்டிய

மனம் உவந்த நாள் இன்று..!”

 

*இசை (எ) ஆ.சத்தியமூர்த்தி*

{‘உடைந்து எழும் நறுமணம்’ கவிதை நூலிலிருந்து.}