படித்ததில் பிடித்தவை (“பட்டாம்பூச்சி விற்பவன்” – நா.முத்துக்குமார் கவிதை)

*பட்டாம்பூச்சி விற்பவன்*

 

“பதின்மூன்று வயதிருக்கும்

பாலத்தின் அருகே

பார்த்தேன் அவனை.

 

நேற்று பூக்கடை,

போனவாரம் பஜார்வீதி,

என

இடம் மாறுதலே குறிக்கோளாய்

இருக்கிறது அவன் வாழ்வு.

 

குடையை மல்லாத்தி

அதில் பரப்பியிருந்தான் சரக்கை.

 

எடுப்பவர் கையில்

வண்ணம் தொலைக்காமலும்

சிறகின் இயல்பை

மறந்த நிலையிலும்

இருந்தன பட்டாம்பூச்சிகள்

அடிவயிற்றில் மெழுகுபூசி.

 

கூவி

விற்றும் விடுகிறான்

அவ்வப்போது ஒன்றிரண்டை.

 

சின்னவயதில்

பிடிக்குத் தப்பியதை

இப்போது பிடித்ததாய்

எல்லோருக்கும் கர்வம்.

 

அலமாரியோ, சுவரோ

இனி

ஆவலோடு வந்து

ஏமாறப் போகின்றன‌

வீட்டு பல்லிகள்..!”

 

*நா.முத்துக்குமார்*