படித்ததில் பிடித்தவை (“தற்கொலைக்கு தயாராகுபவன்” – முத்துவேல் கவிதை)

*தற்கொலைக்கு தயாராகுபவன்*

“தற்கொலைக்கு தயாராகுபவன்

பித்து நிலையில்

என்னென்னவோ செய்கிறான்.

அவன் கையில்                     

குடும்ப புகைப்படமொன்று

கிடைக்கிறது.

அதிலிருந்து தனியே தன்னுருவை

பிரித்தெடுக்கும் முயற்சியில்

கத்தரிக்க துவங்குகிறான்.

எவ்வளவு நுட்பமாக செயல்பட்டும்

கைகோர்த்திருக்கிற

தங்கையின் சுண்டுவிரல் நுனி

கூடவே வருவேனென்கிறது..!”

    *முத்துவேல்*