படித்ததில் பிடித்தவை (மனுஷ்யபுத்திரன் கவிதை)

கண்ணாடியில் ஒரு நீர்த்துளி

“ஜன்னல் கண்ணாடியின் வெளிப்புறம்

வழிந்தோடும் தண்ணீரில்

ஒரு துளியைப் பருகுவதற்கு

தவித்தலையும்

ஒரு குருவியின் சாகசம்

அளப்பரியது.

கண்ணாடியில் உருளும் தண்ணீர்...

எந்த அவகாசமும் தருவது இல்லை;

எந்தக் கவனக்குறைவையும் அனுமதிப்பதில்லை;

எந்த சலுகைக்கும் அங்கே இடமில்லை;

எந்த ஒரு துளியும் பிறகு திரும்பக் கிடைப்பதுமில்லை.

அந்தரத்திலிருக்கும் ஒரு பறவை

கண்ணாடியில் உருளும் ஒரு நீர்த்துளியை

துரத்தும் துயரம்

அளப்பரியது...”

                      -   மனுஷ்யபுத்திரன்.

(“பசித்த பொழுது” கவிதைத் தொகுப்பிலிருந்து)