படித்ததில் பிடித்தவை (“என் கண்களில்...” – ராஜா சந்திரசேகர் கவிதை)

 

*என் கண்களில்...*

 

“கைதட்டிக் கூப்பிட்டவர்

அப்பா போலிருந்தார்.

அருகில்போய் கேட்டேன்.

‘ஒன்னுமில்ல தம்பி…

என் பையன் சாயல்ல இருந்தீங்க…

அதான் ஒருவாட்டி

பாத்துக்கலாம்னு கூப்பிட்டேன்.’

கண்களைத் துடைத்துக்கொண்டார்.

‘ஏன் அழறீங்க..?’ என்றேன்.

‘அவன் போயி சேர்ந்துட்டான்’ என்றார்.

வேறெதும்

சொல்லிக்கொள்ளாமல்

திரும்பி நடந்தேன்.

என் கண்களில்

நீர் இருந்தது..!”

 

*ராஜா சந்திரசேகர்*