படித்ததில் பிடித்தவை (“கூகுள் குருவிகள்” – கீர்த்தி கிருஷ்… கவிதை)

*கூகுள் குருவிகள்*

“இரவுப் படுக்கையில்

இதமாய் போர்த்திக்கொண்டு

சிட்டுக் குருவியின் கதையொன்றை

சொல்லத் தொடங்கினேன்

மகளிடம்…

கதை கேட்டவள்

காட்டச் சொல்கிறாள்

சிட்டுக் குருவியொன்றை

இப்போதே என்னிடம்…

நானோ

அன்று அம்மா வீசிய

குருணைகளுக்காய்

முற்றம் நிறைத்த குருவிகளை

இப்போது

தேடிக் கொண்டிருக்கிறேன்

கூகுளில்…

பாவம் குருவிகள்

கூகுளிலாவது

கூடு கட்டி

வாழ்ந்து விட்டுப் போகட்டும்…

அங்கிருந்தும் யாரும்

அழித்து விடாதீர்கள்

அவைகளை..!”

     - கீர்த்தி கிருஷ்...