பற்றி படறுதுக் கொடி

“நேற்று நண்பர் வீட்டில்

பீர்க்கங் கொடி ஒன்று

வேப்ப மரத்தின் அருகில்

முளைத்து

மரத்தை பற்றிக்கொண்டே

மேல் நோக்கி

படர்ந்துக் கொண்டிருந்ததை

வியந்துப் பார்த்து

கைப்பேசியில்

படமாக்கினேன்.

இன்று காலை

கிராமத்திலிருந்து

ஒரு இறப்பு செய்தி.

குறைந்த வயது

கோவில் குருக்கள் அவர்.

படிக்கும் குழந்தைகள்.

வேறு வருமானம்

இல்லா வீடு.

‘குருக்களின் மனைவியின்

குடும்பத்தார் அன்பானவர்கள்,

பண்பானவர்கள்

தாங்கிக் கொள்வார்கள்’

என்றார் உறவினர்.

பற்றி படறும் கொடியும்

அதை தாங்கும் வேப்பமரமும்

ஏனோ நினைவுக்கு

வந்துச் சென்றது..!”

-    கி. அற்புதராஜு.